شبابيك

اجمد واحدث المواضيع على منتداك شبابيك
 
البوابةالرئيسيةس .و .جبحـثالتسجيلدخول

شاطر | 
 

 قواعد واصول الرزاله الى فى الدنيا هههه ؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عاشقة الحب
عضو جديد
avatar

انثى
عدد الرسائل : 86
العمر : 28
الموقع : www.el7oob.net
المهنة : طالبة فى منتدى شبابيك
بلدك : EGYPTE
العنوان : شارع الحب
الجنسية : شبراوية موووووووت
رقم الموبايل : سنترال الحب
هوايتك : الرسم
اعلام البلاد :
توقيع :
المزاج :
التقييم : 3
نقاط : 6959
تاريخ التسجيل : 26/05/2008

مُساهمةموضوع: قواعد واصول الرزاله الى فى الدنيا هههه ؟؟؟   11/7/2010, 20:25

بصوا بقى انا جايبلكم النهارده اصول الرخامه والرزاله على حق..................؟؟؟؟؟؟؟


علشان تعرفوا تغلسوا على خلق الله بضمير ، و اليكم قواعد الغلاسة الأصلية




· قول نكته طويلة و لما تيجى عند آخر سطر - وهو السطر المهم اللى فى الأفيه - أعمل نفسك نسيته ، لو حد غلس عليك قوله " و الله كانت نكته جامده بس الظاهر أنى نسيتها " .


· هات بخاخة مطهر ديتول و أمشى ورا شخص معين فى اى حته ، و كل ما الشخص دا يمسك حاجة و يسيبها ... تروح رششها بالمطهر على طول .

· و أنت بتتكلم فى موضوع أقطع كلامك و أدى أنطباع أنك هاتكمل ... و ماتكملش ... بس خلاص كده !!! .

· لما حد يشكي لك من حاجة قوله أنا عندى مشاكل أكتر منك !! .

· و أنت فى مطعم ... بص للى قاعد على الترابيزة اللى جنبك و أنت ماسك لقمه فى ايديك و قول له " ممكن الطحينه بتاعتك ثوانى ؟" !!! .

· كل ماحد يقولك حاجة عيدها بصيغة سؤال ، مثلا هايقول : مش أنا اتجوزت ، قوله " أتجوزت ؟! " هيقول : أه الشهر اللى فات ، قوله " الشهر اللى فات ؟! " و هكذا .

· و أنت بتتكلم مع حد برق عينيك فجأة و اسأله " سمعت ؟! " هيسألك سمعت أيه ؟ ، قوله " ولا حاجة ... راحت خلاص" !!! .

· بعد عشر دقايق كرر نفس الحركه تانى .

· و أنت بتتكلم مع حد ، ماتبصش فى وشه ابدا ، حسسه أنك قرفان منو ومش طايقه من الآخر .


· طول ما انت قاعد مع زمايلك فى الشغل ، شغل موسيقى نشيد بلادى ، و صدقنى هايحدفوك بأى حاجه فى وشك أيه الرزاله اللى انت فيها دى يا عم أرحمنا بقى !!! .

· و أنت بتصور ورق و في حد مستنيك ، اول ماتخلص اظبط مكنة التصوير على 98 نسخه و قوله بابتسامة واسعة " اتفضل " .

· كل ما حد يقولك حاجة قوله " هاها ... كل الناس فاكره زيك بالظبط " !!! .

· وانت قاعد مع ناس و قدامك كمبيوتر تخيل الماوس عدة تليفون ... و أتكلم فيها كل كل شويه بصوت عالى ... " ألو ... أيوا " .

· علق فانوس كبير فى الشارع و فروع ورق زينة ، بشرط مايكونش في رمضان .

· أتكلم مع الناس بصوت الريبورت ( الانسان الآلى ) !!! .

· أستلف قلم من حد ، و حط القلم فى بقك ، و أعمل نفسك بتفكر و منهمك و أنت عمال تعضعض في القلم ، أوووف يخرب بيت الرزاله

· و أنت في المول ، ماتمشيش عادى ، لأ ... أفضل نط لحد ماتوصل للمكان اللى أنت عايزه ، وده فى حد ذاته يعتبر هبل مش رزاله ، بس ما علينا الناس هاتقرف منك برضه و هو المطلوب .

· أعزم ناس في حفلات ناس تانيه " عيد ميلاد أو فرح او خطوبه ... " .

· هات علبه مناديل ورق و انت داخل السنيما و طول ما انت قاعد أفضل نف ، و على فكره أنت كده تعتبر بترزل على نفسك علشان كده انت كمان مش هاتسمع الفيلم !!! .

· سيب أشارة العربية الشمال شغاله لمدة 5 كيلو من غير ماتلف ... و بعدين أطفيها فجأة و كمل علطول !!! .

· أول ماتشوف كيس كاتشب واقع على الأرض دوس عليه برجلك بقوة ، و قول اللى معاك " انا كنت بشوفه فاضى و لا مليان " .

· في حفلة عيد ميلادك أطلب من ال D.j أنو يشغل أغنية يعيدها 18 مره ورا بعض ... " أنا بحب الأغنية دى اوى يا جماعة " ، يا رزالتك يا اخي ربنا يهدك بجد .

· لو واقف جنب حد بيعد فلوس و في وسط ماهو بيعد ، قول بصوت عالى أى رقم عشوائى 862 !!! .

· ألعب فى ألوان التليفزيون لحد ماتبقى كل الناس لونها بنفسجي ، و أعزم أصحابك يتفرجوا عالماتش عندك ... و لو حد اعترض ، قوله " أنا شايف أن دا لون الحياة الحقيقي " ، ما كنت تسيبهم يتفرجوا عليه فى القهوة أحسن يا عم الحج ايه الرزاله دى .

· و أنت ماشى في حته كل ماتقابلك حاجة طبل عليها !!! .

· ألبس جراب زي اللى بيحطوا فيه المسدس ... بس حط فيه الريموت كنترول .

· أحرق الكتاب أو الفيلم في جملة واحدة ، تعرف الناس نهايته قبلها بمدة ، أوف دا أنت فعلا رزل .

· غير قناة التلفزيون قبل نهاية الفيلم و أو الماتش ب5 دقايق .

· أضحك لواحدة ماتعرفهاش في الشارع و قولها بصوت عالى صباح الخير ... عامله أيه ؟ ، هاتديلك بالقلم و تمشى عادى ، يا عم أعمل حساب أنها هيا كمان ممكن تكون شافت الموضوع ده


وكده بقه انا أديتكم العلم اللي ممكن تنتفعوا بيه وتغتتوا على خلق الله عشان الناس تمشي تكلم نفسهه في الشارع أكتر مهيه متنيله كمان وكمان
بس صدقوني محدش حيطقكوا وحتتحدفوا بالشباشب

هههههههههههههههههههههههه
666
الرجوع الى أعلى الصفحة اذهب الى الأسفل
دودو
نائب المدير
نائب المدير
avatar

انثى
عدد الرسائل : 786
العمر : 25
الموقع : http://romantic.7forum.net
المهنة : طالبه جامعية فى جامعه شبابيك
بلدك : مصر ام الدنيا


العنوان : شعور سخيف إنك تحس بإن وطنك شيء ضعيف صوتك ضعيف رأيك ضعيف...إنك تبيع قلبك وجسمك وإنك تبيع قلمك وإسمك ما يجيبوش حق الرغيف
ده شعور سخيف..
الجنسية : مصريه 100%
رقم الموبايل : دى حاجة متخصكش
هوايتك : القراءة
المهنة :
اعلام البلاد :
توقيع :
المزاج :
التقييم : 19
نقاط : 7663
تاريخ التسجيل : 30/01/2008

مُساهمةموضوع: رد: قواعد واصول الرزاله الى فى الدنيا هههه ؟؟؟   11/9/2010, 11:14

هههههههههههههههههههههههه منك نتعلم الغلاسه يا عاشفة ههههههههه

طريقه فعاله لتطفيش اى شخص مش ع هوانا Laughing


_________________
[img][ندعوك للتسجيل في المنتدى أو التعريف بنفسك لمعاينة هذا الرابط][/img]

اللهم بلغنــــا رمضـــــــــــان
و اجعلنا فيه من قراء القرآن
و تقبل فيه منا الأعمال الحسان
و اعتق فيه رقابنا و رقاب آبائنا من النيران


و بِيـن صَفْحـات مُصْحَفـى ، وَعَلـى سَجـادَة صـلَاتـى
اجـد دَوَائـى و رَاحَتـى
الرجوع الى أعلى الصفحة اذهب الى الأسفل
HTTP://ROMANTIC.7FORUM.NET
 
قواعد واصول الرزاله الى فى الدنيا هههه ؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبابيك :: شبابيك الصور وعجائب الدنيا :: شباك الفكاهة والنكت-
انتقل الى: